Pulau Langkawi(浮羅交怡)之淒慘篇(Update)

Pulau Langkawi(浮羅交怡)之淒慘篇
有得去玩都會淒慘？？真神奇~~
10月1號淩晨5點起身~我就喉嚨發炎了(其實前晚已經開始癢，亦飲咗清熱茶同蜜糖都無效)~再整多杯蜜糖架吉仔，黎保喉~
等沖涼時，我仲有時間Update Blog叻嘞~~

4個半正常人+半個病人，6點出發去浮羅交怡lu~~~
出發時，個個都正常咁響車度訓到隻豬~~
到達碼頭先得個9點，但已經排長龍咗~


我地買到最早嘅飛都要成11:30am~~
仲有咁多時間，唔駛問亞貴~緊係去醫肚喇！！
亞哥同佢條女排隊買飛~我同Parents就去碼頭隔離嘅經濟食店食野~
但一啲都唔經濟~3個人都食咗成馬幣15蚊左右~

hea下hea下~~







帶少少恐懼咁上船~點知真係出事~~遇上風浪呀！真係PK呀~
讓我再次諗起前幾年坐澳門船個恐懼症~好驚呀！！
全船嘅人類70%嘔到不似人形~連嘔吐袋都不夠供應~
因爲我都嘔咗3次，用做兩個袋早餐全嘔曬，差d連隔夜飯都嘔埋！
真係想死呀！！
就連船上廁所都爆棚~我老竇連肚痛都無得上廁所~

幾經辛苦先到達浮羅交怡~過程真係超級漫長呀~
我老竇一到岸就如飛箭咁沖入廁所"開工"~
真係黑到爆嘅旅程~
因爲一到達都未飲酒，我已經wing wing地啦！坐車都暈！
老竇就開始肚瀉~去到酒店已經塌落床,起唔到身了~~
完全食唔落野~一食野就馬上"開工"~真無陰功！

萬萬無諗到到咗夜晚10點幾~我老竇終于頂唔順了~~馬上叫我媽call我地返黎送佢入急症！醫生話佢係食物中毒！
實行係碼頭嘅經濟米粉唔乾淨~點解我同媽咪無事？？因爲媽咪齋食炒米粉，我就加紅咖哩，得老竇加青咖哩！即使係真係咖哩嘅問題~我老早都響船上嘔清曬喇！！

第二日，我地全部都懶得再撲出撲入了~唯有陪老竇攤響床上~攤到11點幾check out先出去搵老竇要嘅寶濟丸同我嘅暈船葯~順道Shopping~勁買朱古力，啤酒，勾勾波鞋，香水，同手錶！！唔曬3個鐘我呢個財政清曬袋~洗錢真係快過開水喉！

錢曬洗，就係要面對我好得人驚嘅船~提前一個鐘Pack定兩粒暈船葯先~
妖！~原來啲葯係止到響船上唔嘔，但成個人依然wing wing地，勁反胃！一落船又斷鞋！就偏偏得我一個無買鞋，好彩有個習慣就係出遠路都會預備個高踭鞋！都未至於要無鞋搵榍走~但就帶著暈+反胃過咗兩日！

慘好鬼驚11月嘅浪添~~老友記得替我再買暈船浪葯呀！！