魂魄嚇走咗~

尋晚~做到好夜先返到屋企~
返到屋企第一件事緊係返入房先架喇！！
點鬼知一入房就見到一隻極大飛天曱甴呀~~
嚇倒我大嗌"救命呀"~第一時間沖去我哥個房門勁拍門(佢當其時沖緊涼)！
佢問我咩事，我都係識得死猛嗌曱甴呢兩個字！
好彩個腦仲識轉少少~諗到有只蚊油~~
個隻曱甴都有d低低地，竟然飛入我啲廢膠袋入邊~
我仲唔襯機會對住個袋死射猛射死射猛射！！
正PK曱甴黎架~仲有力飛出黎嚇我~~射射射射射(應該用咗成大半只蚊油）
我哥終于沖涼出黎啦！！走過黎問我咩事~~
我: 曱甴呀！快d快d快d抓走個要死唔死嘅飛天曱甴入廁所，沖佢入糞池啦！！
我哥: 點解唔叫Jason黎咬死佢喎！！
我: 我噴咗蚊油架！叫Jason上裏咬佢咪等於要Jason死？？都short short地架！！
(好彩前晚身體唔舒服走咗去樓下同Jason訓，如果唔係我應該就係同曱甴訓架喇！)

之後老細call我~但我依然blur blur~老細問我咩事~~
我就同佢講，正話有極大飛天曱甴嚇倒我3魂唔見咗7魄~仲猛嗌救命~
個老細無安慰仲反而問返我，又唔見你驚我嘅？？竟然驚隻曱甴~
Death Air.............=_=''