2餸1湯

最快手快腳嘅~2餸1湯~

褒個人參雞湯，煎條魚同炒碟菜~話咁快搞點啦~

~人參雞湯~

老細指名道姓話要我褒架~

唔好問我點解咁嘅色~因爲我鍾意咁褒~褒到出味出色~連調味料都慳番~

~魚~

條魚其實我都唔識佢架~我都係求其響街市揀條咋~~

點知老細一返黎~見到條魚，就話呢條魚唔平架喎~呢條大概要X錢一條架喎~

我當時mak大對眼睇住佢~你買過條魚架？點解你會知價錢架？？

佢竟然答我~佢響超級市場見過~~咁都記得？？勁！！

~菜~

日日清炒~炒到厭曬！唔知點解我會無啦啦~想佢變色....

我竟然手多多咁放咗半塊紅色腐乳黎炒到紅色~哈哈哈！！我真係唔驚死架！

點知老細話好味~成碟都係佢一個人食曬~~仲問我放咗啲咩入去炒添！！

當其時嘅感覺真係想........哼~~