睇完份生日禮物緊係....拆手信時間啦！~
我同我老婆咁爲食~~緊係先拆食物架啦~~.......
第一件事，就係我老婆最愛嘅朱古力啦~我老婆猛話好靚又好正！
睇佢個樣都係停唔到手架啦！！佢咁愛朱古力~而佢每食一件就會話我知，邊件我食得，邊件我唔可以食~驚我受唔起，會失聲！（你睇我老婆對我幾體貼呀！
）
仲有蛋圈，老婆餅，爆炸糖同牛油圈~~
你地見唔見嗰桶蛋圈上有渣呀？？其實我由馬六甲返黎時，啲餅我老竇痛細佬已經響度幫我食緊架啦~！
朱古力手指餅
好正~手指餅係橙味，出邊又包住層朱古力~愛不釋手（因爲咁嘅朱古力我先頂到）~
我老婆見到隻波板糖~好驚訝咁問我~你同個粉絲好熟咩？？
我: 唔係呀~~佢係Onnz個friend黎嘅~
老婆：唔係佢又會買波板糖俾你嘅？仲要係紫色添！
我: 老婆大人~冤枉呀！！真係有咁啱得咁橋咋~
（因爲件事得老婆，老細同我屋企人知先我鍾意食咋嘛！！）
其實我老細見到張相時，都落咗warning,叫我唔准食！！
一邊傾計，一邊砌玩具，又一邊食..........點知砌完，影完...啲朱古力都跟住玩完~~
我老婆仲話我今次破例食咗最多件朱古力呀！
唔知係咪值得高興嘅一件事呢？？
我始終最愛呢隻~~我好似食咗2-3粒~~
一邊食朱古力，一邊飲緊,Onnz媽褒嘅菊花茶~正！
點解會有支菊花茶~咪係Onnz第2次返入屋企儸出黎架囖！！！仲話俾我地飲嘅添~~
講真~我好懷疑呢支菊花茶，其實係Onnz媽，俾Onnz攞返KL飲架！！但......
個粉絲話好飲~但佢又飲得好少喎！（可能雪櫃攞出黎，太凍佢飲唔到呱！加上嗰日落雨，勁凍！）
最終入曬我同老婆個肚度lu~~~
No comments:
Post a Comment