雅濤苑

我啱啱到咗屋企連蹬都未坐，就收到我倆一個老婆Jessy個電話叫我出去飲野啦！

佢真係快到2分鐘就響我門口啦~！我一出去就見到我老婆Tracy部車~但見到我老婆Jessy唔知做乜？搞都我”嘔”曬頭~而Jessy仲想呃我話係佢部車~~

搞野咩？？我無傻到咁易俾你玩到係話~！

我一上車就問Tracy,我啱啱送你返屋企，咁快又出黎？？

兩個淨係識笑唔理我，問去邊度都唔答我~~

之後佢地帶咗我到間” 雅濤苑”Café飲野~~

蜜糖熱鮮奶

藍色夏威夷（原本我係嗌北海道之旅架，但佢地話無得去，唯有揀藍色夏威夷啦！）

佢地兩個勁鬼鼠但唔知佢地搞咩~~

第一次面紅~~

我地3個靜靜地咁欣賞臺上2個歌手唱歌~點知俾個女歌手玩，話我第3條女勁欣賞個男歌手，仲睇到唔識郁添！！撞鬼~~

第二次面紅

飲野飲到一半，Café啲燈突然暗曬~臺上嘅歌手馬上彈起生日歌~然後有個適應攞咗個蛋糕俾我~臺上嗰兩個又不停咁玩我~~搞到我面紅到不得了..全場嗌到我想搵窿囀呀~

第三次面紅

我地食剩嘅3/4蛋糕請曬臺上兩個歌手同工作人員食，又搞起一大風波~！個個一起對我地講多謝~再次想搵窿囀呀！！

第四次面紅

我地請完佢地食蛋糕~佢地成班請返我食3色雪糕呀~~好瘀呀！！成個場都睇住我！！

最後一次面紅

食完個雪糕，買完單~黎開個Cafe時，個個都住我地講多謝~嘩！仲得了？？個個都睇住我地3條女離開~！我地仲唔走得快好世界咩！！