Boxing Day 再 Shop~

2008年12月26號Boxing Day~
我地依然風雨不改地去Shopping~Shopping~Shopping~

一出到門口樓下，老婆就要咗我部相機話要影野喎！
毫不猶豫地交咗俾佢任玩~~

佢話主要想影我個頭髮，俾我睇喎！

咩黎架？？何解上身同下身俾佢斬開兩段架？？

人地係春宵一刻值千金~而我地時時刻刻都值千金呀！
點可以放過等巴士嘅時間呢？？
自拍~~

嘩！一生人最靚嘅相呀！！呃到下人喎！多謝老婆~~
Btw。。。老婆到底發生咩事呢？成日影我背影~乜真係咁迷人呀？？

Boxing day依然去返Orchard Road度Shopping行街~



好野！老婆終于學識呢款自拍喇！仲影埋我地添~

Sweet Christmas Orchard 2008...當然要有我地咁Sweet先得喇！

好多可樂玻璃樽呀~~



我地將老細列入可樂代言人，因爲佢件衫同後邊啲可樂撞色呀！hahahaha

依~~~~有賊偷可樂樽喎！報唔報警好呢？？

Merry Christmas From The Sweety~

又黎一張後面偷襲相~~我都唔笨！！

一個精神奕奕，一個殘過look蔗！
臺上嘅SGD$10蚊，係等緊好心人士幫我地排隊買麥儅儅薯條架！！

7店03分~係時候打巴士返歸喇！
我今晚煮飯慰勞大家個胃~~

4餸1湯~除作臘腸炒蛋，其餘嘅都係指定我煮嘅餸菜~
(得一張相亦都係響SG嘅最後一張相)
個豬腩肉少咗係因爲我一煎好~老婆就不停偷食咗！
我都係第一次見佢食咁多肉~因爲佢指定嘅係兩樣青菜同雞湯！
而個豬腩肉係老細見到我煮飯就必Order嘅！

結束今晚~連相機都休息咗~
(因爲當晚吩咐咗老婆同老細幫我相機叉電,點知佢兩個太叻冇叉好，仲好型仔型女咁同我講黃色燈，電源full咗)
就係咁第二日晨早就要搭巴士返馬拉喇~冇相繼影相！