X'mas Present 08

2008年嘅聖誕禮物！

去新加坡前一日老婆就送咗呢份好正嘅聖誕禮物俾我喇！

L'OCCITANE EN PROVENCE

X'mas Gift Set~
仲要係我最愛嘅Lavender味呀！

一Set入邊有兩支！

一支Hand Cream with A.O.C Laverder

另一支係Lavender味嘅Shower Gel~
正爆~但真係好貴~I Love It!
。。。。。。。。。。。。。。。。。。。。。。。。。。。。。。。。

新鮮滾熱辣~2009年1月8號先到手嘅聖誕禮物
(足足用咗成20日先收到)
開頭我根本唔知Catherine會寄禮物俾我~淨係知Onnz有蠱惑咁要咗我嘅地址
(完全唔知佢想點，亦冇去審問佢太多~)
過咗聖誕節返到馬拉,Catherine問起我有冇收到野時我先知發生咗咩事！
一返到Office第一時間問有冇人收過我嘅信！但個個都話冇~
我同Catherine就開始擔心咗，因爲HK寄黎馬拉最耐都係一星期咋嘛~
點有可能12月19號寄到30號都未到喎？？

都咁耐咗,心中或多或少都有啲壞嘅打算咗~
但萬萬冇諗到寄錯地方(地址冇錯),但個好心人士竟然會送返黎我公司，
交咗俾我同事，我同事再送入厰俾我！
我真係要謝天謝地喇！諗唔到呢個世界仲有咁嘅好心人士存在架喎！

封信入邊有張X'mas Card & X'mas Gift!

真係好match我呢個安紫feel呀~~~

Crabtree & Evelyn Lavender Therapy X 3
其實我都睇中咗好耐架喇~但都幾貴！所以冇行動過

完全Control唔到自己，當晚已經開咗黎用lu~~