你唔爱我啦

心情低落？老天爺明蝦我嘅~點解咁架？？

原本呢幾日應該好多Blog可以寫~但我個腦一片空白~諗唔到野！！

WTF~一日比一日嘅打擊越大~到底我仲挨得幾耐？？

個腦唯一不停浮現嘅歌

你唔爱我啦 – 野仔

call你call左咁耐 次次你亦唔复
实系做左D野 又怕我知道
识你识左咁耐 无试过话送花
实系好心先会无端端送礼
成日唔揾 成日唔紧
成日话见但见一阵
态度唔同以前 成个冷淡晒
是但啦 算数啦 唔烦你啦
无人锡我啦
再见啦 无野啦 实在够啦
你唔爱我啦
是但啦 算数啦 又话锡我
话咁快 就变晒 待我几差
再见啦 无野啦 完全嘎啦
你唔爱我啦 come on
听我讲左咁耐　凼下我亦唔得
净系坐左係树话我太多心
等你等左咁耐　有无野同我讲
净係想听多一次ＢＢ好爱你
成日唔揾 成日唔紧
成日话见但见一阵
态度唔同以前 成个冷淡晒
是但啦 算数啦 唔烦你啦
无人锡我啦
再见啦 无野啦 实在够啦
你唔爱我啦
是但啦 算数啦 又话锡我
话咁快 就变晒 待我几差
再见啦 无野啦 完全嘎啦
你唔爱我啦
成日唔揾 成日唔紧
成日话见但见一阵
态度唔同以前 成个冷淡晒
是但啦 算数啦 唔烦你啦
无人锡我啦
再见啦 无野啦 实在够啦
你唔爱我啦
是但啦 算数啦 又话锡我
话咁快 就变晒 待我几差
再见啦 无野啦 完全嘎啦
你唔爱我 你唔爱我 你唔爱我 你唔爱我啦

NiBuAiWoLa.mp3 -

まる玉らーめん

今日午餐去咗間日本拉麵店食拉麵~
呢間我地之前都有嘗試要去食~但嗰次係星期日，3點幾想排隊食入去食，點鬼知好生意到賣曬+3點半休息時間~真陰公！
今次佢地改咗經營方式~無咗休息時間！我地先有機會食到~再加埋我地今次揀咗星期六去食~





日本風味嘅開放式廚房~


等緊野食嘅孤獨老亨。。wahahahahaha


手震的杯


老細碗 チャーシューラーメン＋味付け卵-----叉燒拉麵+溏心滷蛋
我嘅 まる玉ラーメン-----Marutama拉麵=招牌拉麵
(偷咗老細嘅溏心滷蛋,其實原本就係我要嘅~哼！)

普通原裝拉麵淨係得一塊叉燒咋，老細碗係加咗叉燒同加咗粒蛋
而我嘅淨係加咗粒蛋(響老細碗度搬過黎啫)~
佢地啲拉麵真係唔係吹水架~
豬骨湯底唔油膩，濃郁得黎又帶啲清爽~
叉燒真係入口入口即化，好滑呀！
溏心滷蛋我的最愛~真係夠曬溏心呀！人地啲淨係得溏心蛋黃咋~佢地嘅連蛋白都帶溏心架！佢無切開兩邊所以無影到個溏心俾你地睇，其實有諗過咬開，我已經失控即食咗入肚lu~唔好意思！


焼きチャーシュー -----燒叉燒
燒得啱啱好外脆内嫩~

水餃子 -----水餃
外皮啱啱好彈牙~啲陷肉扎實帶汁~

老細你好肚餓呀？？我啱影完無耐啫~咁快口食淨最後一口麵！佩服佩服


食曬飽飽喇~
但一定要留番啲啲湯~因爲老細話個Menu有寫唔好飲曬啲湯~代表你下次還會再返黎飲番嘅意思喎~
但啲湯實在太正~唔飲曬感覺有啲可惜添！但人地都寫明囖~係咁以留番咁啲啲俾佢喇！


好大塊Menu板挂響大門口~方便啲人客響排隊時間可以諗定要加咩餸先~
夠曬周到~


送埋張名片俾你地自己去幫襯下喇！因爲真係值得食呢間純正日本拉麵！

3餸無湯

好耐都無煮飯嘅我，今晚係咁宜~煮番一餐無湯飯喇！
其實唔係唔想煲湯，而係我將個煲攞咗去煲肉~所以今晚無湯飲~~




呢味咪鬼問我叫咩餸~因爲我都唔知~我都係順老細意思，放入佢愛食嘅豬腩肉，竹筍，同腐竹咋！
本小姐真係唔係幾Like腐竹味~


為咗慰勞老細，重本啲煎咗塊鱈魚


蝦米炒豆苗~



好野~萬歲~


飯後的甜品~Donut呀！

有我最最最愛嘅藍莓同杏仁果~(杏仁味已入我肚lu~)

太正喇~包死都願意~

Jasonの太太

尋日我哥又買咗隻新嘅玩具貴婦狗返黎喇！其實我哥好早就想買個伴俾Jason，但玩具狗不停起價~但今次格外開恩俾咗同Jason一樣嘅價錢，將呢隻火紅玩具賣咗俾我哥！
好野~萬歲！
BB女未有名架！但我今朝一起身，就自自然然咁叫咗佢做"小潔"(國語發音)...
我哥一聽見就同我唱反調~話叫佢Jessy喎！CHOY!!!我老婆個名黎架~自己無本事溝到人都唔好將個名叫落隻狗度喇！
我叫佢小潔~係希望佢可以做個乾乾淨淨嘅狗女~~
..................................................................................................................................................
Hello~大家好！我叫小潔(應該係暫名)~而家先兩個月大~
請咁多位大哥大姐，高擡貴手千其咪蝦我呀！！

Jason以前個飯碗~亦都係Jason細個時一食完就會哩入去嘅藏身兜兜~
而家已經變成小潔個覺覺豬嘅兜兜喇~




一團白毛就係個Jason~玩搶鏡！


好癢呀~~~
Jason哥你做乜呀？？兜兜入邊無狗餅食架喇！！放過我喇！！






我跌喇~我跌喇~
哇。。哇。。哇。。(淚ing) 唔制呀~~Jason哥你做乜咁無品，整跌人架？？


怕！怕！姐姐你要睇住我呀！Jason哥不停搞跌我呀！

為咗安全起見，姐姐將我抱到上半空影相！！
姐姐記得睇住睇住~我怕高架！！


呢個咩眼神呀？Jason你想點呀？？


我咬~我咬~


我玩~我玩~


我咬完玩，玩完又咬~~


轉眼間~Jason哥你個自私精~連哥哥俾我骨頭你都霸住！
咁我玩咩喎？？


Jason哥！！你又搞乜呀？？


咀咀？？依~唔制！


Jason: 我跟~~


Jason: 我追~~


小潔: 你又想點呀？？
Jason: 攻擊你囖~仲駛問亞貴咩？


小潔: 我閃
Jason: 我再攻




小潔: 淚！好喇！好喇！我投降喇~


Jason: 咁咪乖囖~


小潔: 我死喇！我死喇！咪再壓我喇~我喘無到氣喇~~救命呀！


小潔: 係時候到我反擊喇！！


小潔: 慘！輸得真係慘~無陰公~
最後姐姐都將我放返入籠喇~我可以安全咁覺覺豬喇！唔駛驚俾Jason哥蝦~


小潔一入返籠~Jason都可以好安心咁煲劇lu~

Jason: 啲劇好睇丫嘛~我晚晚都等姐姐開"當狗愛上貓"俾我睇架！