低能 另加 冷笑話

尋日嘅我真係好鬼勁無聊呀~~
無聊到超低能呀！低能到搵咗個Msn友陪我玩低能遊戲...........
咩遊戲？？
咪就係餐名大作戰(要講出食物名,而不能重復)

都幾低能架~但咁低能嘅遊戲我竟然可以諗唔到食物名~
諗~諗~諗~諗唔到食物名....我出埋菜名同生果名添！！叻嘞~
但最後俾嗰衰野講我離曬題....我都唔想架~諗唔到呀嘛~
最終俾佢....諗唔到咪唔好諗囖！比賽咩而傢？？？
eeeeeeeh！咁又陪我玩？？哼

******************************************************************
之後臨放工前~
我公司大門前突然有一群人圍咗上去！
老闆娘馬上吩咐我睇住鋪，佢要去睇發生咩事！
由於我個位不能無人睇，所以唯有等老闆娘返黎話我聼咩事！！
原來有人渣渣下電單車突然發羊吊跌咗響我地個鋪頭前面~
.....................
過咗一陣....我突然聽到救傷車聲！
我: (諗住搞爛gag!)救傷車聲喎！救佢架？？
老闆娘: 緊係喇！路人甲話佢響短時間已經發咗兩次羊吊架喇！唔可以再渣電單車。
我: 部救傷車真係車佢架！！
我同老闆娘(驚訝): 係喎!效率咁快嘅？？
老闆娘問緊Simon兄: 醫院有咁近咩？？咁快嘅？？？
Simon兄: 好近咋嘛~響邊樹嘅邊樹嘅邊樹囖~
我心諗都唔近喎~=_='
Simon兄: 都話唔會好遠囖~救傷車加埋音樂，又點會慢呢？？
我: 音樂..............=_=''(你係得嘅！)

P/S: 希望位仁兄無事喇！！