廉價漢堡

廉價漢堡包~響馬拉算係平常野食黎架喇~

尤其o係啲夜市同Mamak檔都可以搵到馬拉人開嘅漢堡檔口~

點解我無拉拉會為呢個漢堡而開個Topic?其實有兩個原因....em第一個唔講

第二個係因爲呢個漢堡真係好正囖！！

雖然呢個檔口個漢堡會比其他檔口略貴咗少少，但我依然覺得好抵食喎！

因爲料夠足~

麵包低+椰菜+番茄+青瓜+辣椒醬+沙律醬+漢堡雞肉+椰菜+洋蔥+沙律醬+煎蛋+椰菜+青瓜+辣椒醬+麵包蓋（啲料勁落）

但最重要個係佢入邊嗰塊漢堡雞肉~

平時我地食開嘅雖然都會由中間薄薄咁戒開界，之後放啲胡椒粉同喼汁！

但呢個唔同喼汁同胡椒粉佢係放入蛋度，而肉入面佢就另加咗兩种物似蠔油咁喼個物體~(我真係唔知咩物體，因爲佢已經換咗佢自己嘅膠罐度！)

佢啲種類都算多架喇！你要求乜佢做到嘅都會做！

淨麵包夾野菜都得！你想幾多塊肉都得~任你歡喜！響佢自Set嘅Menu最高价都係Rm4.7(約港紙9蚊)

我呢個叫Burger Special(即係一肉一蛋)

在包完~被壓過後....依然有我中指咁高~

我呢個要Rm2.8(約港紙5.5蚊)

我幫襯咗咁耐~個老闆終于都忍唔到口問我~

漢堡老闆:~ 個漢堡咁高你點食架？你口有咁大咩？定係撤開黎食架？？

我 :~緊係撤開黎食喇！我邊有咁大個口喎！

漢堡老闆:~撤開黎食邊過癮架？

我 :~帶笑而過(心諗除咗撤開乜仲有其他方法咩？)