往澳門&瑪嘉烈蛋撻の港澳旅之11月10號(1)

第4日~4條友仔比平時早咗成個鐘起身~

因爲買咗澳門船飛~8點就要準時出門搭地鐵！

天后車站~

由於係星期一,一定好多人搭地鐵返工~但萬萬冇諗到咁誇張~眼見部部都滿到爆!時間又緊逼咗~再觀察到原來響香港搭地鐵係要講技巧架！就係唔理三七二十一逼上去先講~

第一次~我一個人上到咗，但就俾小姐好快手咁拉返落車~乜唔係講好咗，逼到就上，到咗上環先集合架咩？？點解.....要我嘗試俾人拉落車嘅感覺呢~

第二次，分頭行事~小姐同Onnz一隊，我同老細一隊......逼逼逼逼上車呀！

幾經辛苦先趕到~好彩冇遲到！

排隊畫咗位~等候上船~

由於本小姐係好驚坐港澳船~因爲幾年前坐過，嘔到仆街咁濟~所以今次早半個鐘已經pack咗丸仔，亦都逼佢地pack埋一份！

安全到達澳門喇！！第一時間搭的去醫肚~~

但個司機識路唔識間瑪嘉烈蛋撻響邊樹，所以將我地抛響路邊...叫我地自己執生喎！但又我呢個為食精，一聞就問到好香蛋撻，完全唔駛行冤枉路！

瑪嘉烈蛋撻

4人份嘅Brunch~

豬柳包~第一次食，都覺得好正~

葡撻~正呀！皮脆蛋滑~~

難得黎到點都要留返幾張倩影嘅~~