日本之旅 6~7th day 溫泉篇 (18-29March2009)

行商場買萬能火牛，唔經唔覺都3點幾4點啦~~
係時候又要趕電車喇~~但電車去邊？？？
唔係講咗去一個可以輕鬆心身嘅正地方囖~
呢個地方必須搭電車上山，上山嘅電車真係好得意，
係Z字型咁停下停下咁慢慢爬上山架！！
6點幾終于上到山喇~~但天色已暗！！
好彩有旅館嘅人響半路迎接我地兼帶路~

我地未到目的地架~~仲要再坐旅館嘅私家纜車落山谷....
由於天色真係太暗，大機冇電，所以夜晚冇乜影風景~
搭完45度直落嘅山谷嘅纜車，終于到咗我地期待已久嘅溫泉旅館喇！

男女各一間房~

男嘅響牡丹

女嘅響月見

一到房，已經有人響入邊為我地安排服裝與一切點滴，仲當場沖埋綠茶俾我地！

休息咗幾分鈡~~

7點半，準時有人接我地去享用晚餐！

張樣即席

為我地安排好嘅晚餐~

但未算齊，仲有架！！

仲有湯同天ぷら

最愛鯛刺身~
電視見得多，今次第一次食真係好正呀！！

估下咩黎嘅？？全場得老細，食嗮碟野都唔知係乜！
佢係聽到我同二少佢地講到鮑魚，佢先問乜有鮑魚咩？？
我去佢個位望一望，你都食嗮啦喎~都唔知係鮑魚！？滴汗ing...
為咗證實係鮑魚，老細就咁偷咗我一塊鮑魚~ T_T

士多啤梨~~食幾多都唔驚！！

二少飽成咁都有嘅？
似足先生(小姐)教書，學生(二少)唔聽書仲扮鬼臉~

食飽飽喇！！個個都好滿足嘅樣！！正X100 喇~
9點開始浸溫泉lu~~~
中共有4個溫泉，兩個室外，兩個室内~

而呢個室外特別給我們一家嘅細溫泉(限時半小時)

浸完溫泉，梗係輕輕松松傾偈，飲茶同食野喇！

小姐幫我綁嘅可愛小蝴蝶結

全場我嘅蝴蝶結最細，因爲我夠肥囖！！你地恨唔到咁多架喇！





孤獨二少，想自殺~~

唔經唔覺又到覺覺豬時間~~
因爲男子組講好聼日7點起身再浸溫泉~
而女子組的我一個人去~

8點準時開餐~~早餐都好豐富！

烤魚

三文魚豆腐金針菇湯

一樣係咁滿意嘅笑容~唔駛我講好唔好味喇!

樣樣都清嗮~~

食完個早餐嘅房又變咗！
啲床唔見嗮~又變番原本個樣喇~~~

花花~~

櫻花~



呢個溫泉都好正~~男子組miss咗，
因爲個板寫住"婦女時間到10點", 但佢地見到婦女就冇上呢個室外溫泉~~



月見露台望出去嘅景色~

自拍一張留念下先！！



去唔到的瀑布！



旅館老闆送咗我地一人一SET旅館嘅明信片同資料！

旅館嘅老闆話我地聼，呢啲花係製造紙幣嘅材料~



旅館老闆幫我地影嘅大合照



好多爲食嘅鯉魚呀~~



呢條路就係上我地尋晚嗰個特別私人半小時嘅溫泉架喇！

又係時候坐番斜45度嘅纜車上返去喇！



一次只能載4人~

纜車上望下嘅景色~

纜車上望下嘅旅館~

又係一條遙遠的路~~









箱根登山電車~宮ノ下駅

買好飛，上電車返横浜去也~~~~~~

朝早10點咋！何解你咁愁？？