洪記海鮮+滿記(西貢)の港澳之11月7號(4)

由於老細同小姐遲到嘅關係~所以搞到我地成班都遲到~

要Babe佢地響西貢久等.....真係唔好意思！！莎個冧先

我地成班趕唔切，梗係唔搭小巴，轉call的趕入西貢喇！

但真係好衰唔衰~繁忙時間~嗰的士塞響燈位，我地成班低能人就響街邊數的士，數到嗰的士到爲止，我地大大話話都有數到成50架的士~

飛的入咗西貢~~~眼見佢地4個已經'耦'曬喇~陰功！

原班人馬再+多老細，小姐同Onnz...8大1細..去番舊年我地食開嗰間洪記食海鮮~

一到步，梗係出去玩海鮮兼揀海鮮喇！

嘩！！大閘蟹呀！聼日先'嚼'你

海猴呀~~攞嘅人開心，連影嘅人都開心~

Babe大膽咗喇~敢自己攞住隻海猴影相喇！

Btw背後啲魚係真架~~真係咁大條架~~

條友仔係扮Cool定係唔敢攞起隻海猴呢？？

好大隻長腳蟹呀~~

安師奶...........點解得我無得同長腳蟹單獨影相架？？偏心呀你~

得戚到你個衰樣丫~~

嗯！玩殘咗人地Order嘅長腳蟹仲唔人咩？呵呵呵~~

我地都係癲咗陣啫~Babe's 媽咪你地咁快手，嗌咗咁多海鮮喇？

揀完海鮮~

Onnz突然.............突然..............突然....................懷念著長腳蟹添！

好野~~上菜喇！！

白灼蝦~ 夠曬新鮮彈牙!

椒鹽瀨尿蝦~正！

上一次食嘅係龍蝦燜伊麵..今次轉口味嗌咗芝士焗龍蝦燜伊麵........芝士食多真係會漏架！

豉椒炒聖子~ 今運真係見識過香港嘅聖子喇(馬拉係嗌竹灘)~大隻到可以切開兩邊，依然係無辦法放得曬入把口架！

蒜蓉蒸扇貝 ~ 一樣好鮮甜！

清蒸乜班咗呢？？(馬拉叫呢條魚做紅皂魚，可能佢紅色呱！)

豉椒炒蜆~ 啲蜆肉去曬邊呢？

象拔蚌刺身！味道不佳~~有腥味！

墨魚刺生 ~ 今次失水准呀！！

送咗兩碟菜，一碟菜心&一碟芥蘭！

個湯都係送嘅~~但我點飲都飲唔出咩湯！因爲個湯無料架~

Onnz哥~影完好掃曬啲海鮮喇！咪咋傻扮懞呀！！

食飽無野玩，連食物嘅裝飾花都玩埋~

Kitty姐: 無眼睇~

Babe: 佢地係搭擡架~

以上4張係Babe渣大機幫我地影架！可想言之Babe係勁有天分玩大機架！

但我都偷師學識咗，Babe嘅影相方法~~就係要嗌:~ 1..2..3..閃！！

欣賞ing~ Babe所影嘅靚相時......

Onnz你俾Babe抓到偷影~要罰飲呀！！

突然間Babe行埋黎送咗個古古力俾我，仲同我講生日快樂~

未到12點喎~~ anyway你係第一個最早送生日禮物俾我嘅人！！

但我又點會無回禮呀？？？Babe開心到~

1盒換3盒~連你媽咪都大笑抵喇你~一換三！

食完~玩完~hea完~但其實未完~~仲有下文架！！！
下文咪去食湯水囖~~但無係的士司機教落嘅爛gag~水塘入邊啲塘水囖！

又有得食同玩Babe開心喳喳跳喇！！

滿記~西貢係滿記嘅原產地，點都要好好品嘗下嘅~~

芒果班戟~ 好味過榴蓮班戟多多聲！ 因爲我唔食榴蓮嘅複製品~

芒果糯米糍

糖不甩~ 其實點解要叫糖不甩呢？？我覺得同馬拉啲湯圓無乜分別囖~

因爲馬拉係有種食法，係摟起曬啲湯圓，之後鋪上壓碎嘅貢糖黎食！

我日日都嗌揚枝金露，今日轉轉口味~嗌咗............................芒果西米露

楊枝金露~ 老細同小姐架！

楊枝金露+涼粉~ 唔記得邊個架喇！！

黑芝麻+豆腐花

呢個咩黎架呢？？唔通係Onnz生嘅黑芝麻+黑豆沙？？但我記得全部黑孟孟架喎~唔通無影到？

個個都勁飽嘅look！

我老人癡呆，竟然會唔記得話響酒樓影番張大合照~

搞到最後要響咁浪漫嘅環境下影~仲要犧牲兩個人無得影添！！

食完糖水個個好勤力咁追小巴~各奔各路返歸就訓~~第一日就咁結束嘞！

11月7號晚呢餐飯真係要:~

Joey姐咁破費~又請海鮮又請糖水~

Babe盒古古力

埋老細同小姐響酒店偷偷送俾我嘅生日禮物！

呢篇野諗都無諗過要寫成日~~

但我寫得夠曬寫意，因爲我邊寫邊食Babe送俾我嘅古古力！

雖然少食古古力，但我一定會食曬！

btw我而家先知我今日食咗好多粒仙丹呀！乜你地唔覺呢啲古古力好似古裝/武俠片啲仙丹架咩？？嗯！食咗咁多粒，我一定會長命百歲架喇！