我最愛嘅養父...大閘蟹の港澳旅之11月8號(5)

養父send咗Sms俾我，話如果我到咗就韃佢名入去房坐住先,佢可能會遲少少~~
但嗰時我地先啱啱由天星碼頭搭船過海出發去咋！


出發前仲響碼頭買咗支車仔雪糕食添！
Eeee....但點解個個食曬咗,得返我一個嘅未食曬嘅？？？？


搭完船，就搭叮叮(電車)




前往酒店攞野，兼Meet亞哥(龜仔)一齊搵間餐廳~
但一Meet到亞哥時，佢竟然爆咗一句~: 聽聞今晚餐大閘蟹係為你而設架喎！
嚇一嚇！你聼邊個講架？我邊有咁大威力呀？？咪玩我喇！大佬~人地怕醜架~

之後自稱自己係路痴嘅亞哥話咁快就搵到間餐廳喇~好彩唔曬行冤枉路~

由於我有同亞哥講養父話過到咗就韃"麥生~訂咗房"！一入間餐廳~亞哥就真係咁聽話同個知客講~麥生~訂咗房架！(我就響後邊大笑，乜你唔係麥生咩？？但你呢個麥生無人識囖~哈哈哈)

個知客聼完馬上話~有人到咗架喇！
大獲~我第一日見養父就遲大到添~失禮曬添！

一入到去~見到養父同Winnie媽已經等緊~~第一時間梗係沙個冧先喇！

點知養父第一句就好有威嚴咁殺出一句: Angie~同Winnie媽坐！(我梗係乖乖地咁鼠到Winnie媽隔離坐喇！！)

之後養父都好好奇咁問亞哥點解會同我第一齊到嘅~因爲我地約埋架囖！叻嘞~

一坐低，啲野食好快就上臺喇！招呼養父嘅服務果然係一流呀！！

嘩！養父9個人食唔食得曬呀咁多餸？

右手邊嗰個醉雞好正！！


我最愛嘅海蜇冷盤

排骨

鱔~我唯一覺得呢道有腥味囖！

甜酸魚

上海燒肉

酸辣湯~好鬼辣，食唔到酸味囖！

小籠包~4籠都係送架！因爲養父人面廣囖！

仲有好多餸根本未趕得切影呀~~因爲我好忙囖~

忙乜仲駛問咩？？梗係忙緊食野喇！！

由於之前嗰啲都係前菜,主菜未出得場~養父就同亞哥鼠咗出去煲煙！

我就襯呢個機會同Winnie媽合照先~

你地都黎番張啦！！

大獲！！養父個樣黑咗添~~因爲佢同亞哥煲完煙，再遇到餐廳個老闆~o爹完入返黎都未見主菜上得臺~

主角出場喇~~大閘蟹呀！！正~~~(Onnz生點解你淨係影大閘蟹屎忽架？)

但養父你駛唔駛不停命令我食3隻呀？？我會驚架！！

講真大閘蟹好味~但真係唔食得多囖！我食到第二隻已經覺得好"漏"~

第3隻我決定放棄，留返俾無黎嘅吉他手Derek哥補喇！！

食大閘蟹一定會配花雕酒~而花雕酒加話梅最正！！

連我呢個少飲酒嘅人，都覺得甜甜地好易入口~~

甜品~唔知係乜加火喇！仲之入邊啲餡西紅豆沙架喇！！

唔知乜酒乜桂花湯水喇！

因乜解救，你攞住我俾嘅手信，要俾啲咁嘅look? 唔通你知無你份？？

你個亞哥呀~~咁識揀時間帶條女見家長呀？連我都有得過目！

傾乜傾得咁開心呢？？

最搞笑有兩part~

第一Part~

就係研究養父麥皓輪個名用不同語言發音~養父話福建話係mai hao lian(咪驕傲自大),但我最終研究個讀音應該係bed hao lian(唔會驕傲自大)

第二Part~

就係Winnie媽，批評今晚啲餸菜！搞到養父死死下，最終養父問Winnie媽啲大閘蟹Ok喇呱~好彩Winnie媽都知啲大閘蟹係呂珊姐揀嘅~養父自己帶過黎嘅,所以點都會話好味~

臨散場前Onnz提議話影相，但無啦啦話比我地影張全家福先？？

搞到Winnie媽滴曬汗咁講，失散多年嘅女？？仲要食完飯先認番呀？？

爆笑

點可以少咗呢張經典大合照呢~~

全場有鼓手，吉他手，keybroad手&監製！是但叫亞哥唱埋應該可以組隊band出唱片喇！哈哈哈哈哈~

散場喇！向左走，向右走.....

亞哥同佢條女一條路，而我地就同養父同一條路~返歸喇！

返到酒店拿拿聲影低養父俾我嘅生日利市先~仲有個壽字架！

有賊沖入我地間房~~

仲好惡死咁想打劫我呀！

終結餐飯食得好開心~

因爲有Winnie媽響樹~真係令我爆笑連連呀！Winnie媽太Cute喇！