7點鐘喇~起身喇~起身喇~ 但本小姐有壞習慣~就係懶床喇！
眼見個個訓到豬咁，而自己又最遲訓，
哎下懶下都得呱~~~~~
有條茂李竟然咁早起身？仲要
鬼鬼祟祟入洗手間梳洗
？？
條茂李你好野！！害我無得發揮我朝早第一，夜晚最尾嘅精神！！
條茂李入咗洗手間，輪到我走到窗邊影太陽~
好明顯~最高一層d窗口係抹唔到架！！有污跡~
對面無野睇~~~
咁就向下睇喇！應該會很刺激~~
搞完一輪，導遊Joey姐也到了~~
係時候出發，繼續我地嘅第二日行程喇！！
Give Way~ 讓開~ Give Way~ 讓開~
本小姐今日夢游未訓醒~~~撞親唔負責架！！
夢游還夢游~聞到野食我自然會醒架喇！
我地今日去維京海鮮酒家飲茶~
呢對情侶兄妹儅點都要黎番張相嘅！
講到食............
個個都勁開心喎！！
招牌叉燒腸
淋上醬汁後................咪食得囖！！仲睇~
皮蛋瘦肉粥
蟹子燒賣皇
醬皇蒸鳳爪
密汁叉燒包
奶皇千層糕
酥皮焗蛋撻
安蝦咸水角
腿蓉蝦餃皇
爵士流沙飽
流ing....流ing......
仲影..........？？都成薹野食喇！！
仲嗌.............？？
仲等..............？？
Onnzila: 你慢慢影喇！我食先喇!!
Joey姐你好餓喎~一手鳳爪,一手腸粉！
Joey: 
彩你都傻！
壽包~邊度走出黎架呢？？我響餐單上翻轉睇都唔見有架喎！？
乜香港興咁早食壽包架咩？
馬拉響酒樓啲壽包好似要預訂架喎~~除非街邊還神嘅就唔同~
但嗰啲對我本人黎講~可以掟得死人囖！
哈哈哈哈
香港嘅竟然有鹹蛋黃架~~同馬拉啲壽包好唔同~
講酒樓嗰啲，通常都係迷你型(一啖食得曬)，外形紅卜卜&餡料肯定係得蓮蓉！
Btw...多謝曬Joey姐個壽包~因爲真係太驚喜喇！
整啖先喇！
成班黑色會行出黎~好驚呀！
OMG~行行下~發覺有咸豬手！無怪得，我成個人會縮埋一邊喇！
大街大巷........嗌唔嗌非禮好呢？？
No comments:
Post a Comment