爆攰

每位都必留底的紋身

尋晚係有史以來最攰嘅一日.

晨早8點就俾個管家佬Call醒，叫我起身食早餐！食完早餐，沖完涼再執番啲眼耳口鼻，先得個9點幾，尚早我緊係又訓番一陣喇！鬼叫我前晚由怡保駕車返黎時已經好攰,周身勁痛，又唔舒服咩！！

差唔多10點半，管家佬就叫咗我起身出發！

咁啱11點幾響Call咗Onnz佢都響附近park緊車~好野！有佢帶路，本小姐唔駛盲蹤蹤咁搵地方~又堅番啲時間！

呢場真係難得嘅一場Show~~夠曬準時開Show,準時完Show！但就Cut咗好多歌，有少少無癮！因爲Dropout佢地原本話我聼個RunDown係唱5首歌架！點知Cut完又Cut, 剩返3首！淚~

場Show發覺自己犯咗好多錯誤(影相方面)，到咗就尾嗰3隊band就玩無電~真黑！haizzz…連拍Video都set錯，都係肥仔害架~之前唔叫我Set細個Video….我就唔會連拍Video都失敗喇！慘~~~

但我今次都無影曬成場Show~原因分開咗兩個薹，一前(Band)一後(電子音樂)~所以本小姐又攰又懶，唔想兩頭騰~鬼整咩！人老咗精力有限呀！放過我喇！

嘩！最得人驚嘅係有位靚女Hui Yee竟然聼咗我個名, 笑住話知我係邊個，但我又唔識佢嘅先驚~~之後發現場Show好多人好似認到我OMG我諗我下次應該戴面具出街，因爲最萬萬無諗到ar達@孬佢地無我Msn嘅人都會知同睇我個Blog~ 咁下次我寫Band時係咪應該注意我嘅字眼呢？如果唔係我唔記得帶面具出街時，俾人地啲粉絲見到會打呱我~！

臨走前竟然遇上我最驚個番面對鏡頭同訪問~俾亞達@孬同雪糕公民個Keyboard手拉住做訪問，但好彩有靚女Hui Yee響度全靠曬佢喇！我遇到咁嘅情況我個腦會一片空白，同啞曬！天生無膽同蛇gwe~~還記得讀書個時，響某某個乜乜乜~俾人拉上臺訪問，我又係驚到震，好彩我哥醒目見時勢唔對路，所以諗盡方法叫人放我落黎~如果唔係我諗佢地叫定白車都得喇！

我又係中咗鄧明輝教落嘅名言,睇Rock Show一定要夠Rock！

今次我又再次Rock上加Rock喇~~呢地係咪真係行開有條路呢？如果次次都凖遇上Rock日~我睇我都好快無命！！

尋日可算係我一日入面做曬本小姐一個月有多嘅運動呀~！雙腳就癱喇！！

返到屋企自己真係好唔掂，沖完涼又玩自隊，一罐啤酒足以令我飲醉加麻痹身體~

訓番覺好嘅~

P/s:由於我借咗Kitz嘅EOS 450,所以 3分之1嘅相中響Kitz部機度，要等佢返到新加坡先~又係要聚集好啲相先有得post野！