我係咪睇Show睇上癮呢？？上星期六睇完Show~尋日又睇Show~呢個星期六又有Show睇~真係正到爆燈呀！！
Mc Bee明明話係7點開Show架~點知到咗現場, 我就問咗Mc Bee嘅老婆幾點開始，佢答我未知，叫我去Shopping先！！逛咗商場一個圈，見到DJ Point緊係第一時間問佢幾點開始喇！母親節呀~仲要同媽咪去食飯架！！點知DJ Point話好似器材問題，Delay咗去8點先開Show喎~可憐的我又要去夢游喇！！
Cd 特惠價只賣RM25蚊(約港幣50蚊)咋~~
我買嘅緊係第一批無Cover又無特價嘅貴貨喇~！
一開Show個司儀就玩問答遊戲先喎~問問下,問到一題無人識答嘅問題時，Mc Bee個老婆就問我:~ 答唔答呀？直接俾答案我，叫我答！個司儀問我叫咩名時，我都選擇唔講(因爲有人監視緊我)~~ hehehe我呢地係咪叫奸呢？？(獎品一包零食加一張海報)
慢行上邊有乜睇呀？？
MC Bee
Von
Dearen
MC Kit
MC Toy
DJ Point
點知仲有遊戲節目架~ 由於要每一位成員請一位觀衆上臺玩遊戲~~Mc Kit響臺上不停望住我，而我猛打手勢話唔好叫我架喇~我唔想曝光呀！OMG…點知始終逃不過這一劫，最後一位DJ Point直行我度，全世界嘅目光都望住我~我已無得揀！一定要上臺！上咗薹仲要俾Mc Kit話:~ 始終咪又要上黎！ =_=”
好彩唔係玩咩艱辛遊戲~只不過斗快飲曬隻500ml嘅水啫，同沖出去講點解鍾意慢行喎~妖！我出名水桶，飲水我強項喇！hahahaha…..飲第2算係咁喇！(獎品2包零食，一隻護髮膏同一張海報)
唱完4首歌，我第一個就沖去後臺搵佢地，打個招呼，啦佢地簽名加影相！
Von馬上話我好勁一口氣可以飲曬成隻水~但我呢個水桶裝得太急，母親節餐飯我應該食唔落lu~因爲已經成肚水喇！
今次真係吹漲~如果唔係個風扇都唔會蝦我喇！吹到我唔似人形！淚
簽名會開始時，由於我仲等緊，Mc Bee個老婆去車度攞個CD cover俾我~我趁機會攞咗一張海報又鼠上臺俾海報佢地簽~我媽咪竟然話有兩張海報喎！=_=”一張夠喇！簽完海報Cd Cover都到齊, 好野收工帶媽咪去食飯~! (母親節餐飯超級難食，所以我唔會出Post架喇！)
都唔知係咪我揀到個風水位定乜？點解個Camera Man同Video Man次次都響我前面，影相拍Video實見到佢地個頭！haizz
ManHanD給媽媽的説話~
多謝ManHanD慢行，Mc Bee嘅老婆同所有工作人員！
我減肥架喎~咁多零食點算好呢？？
今次唔係Mc Bee叫我去睇佢地響怡保嘅簽唱會Show，我諗我應該唔會曝光！因爲俾一個我識咗好幾年(約10幾年) 都唔俾佢見到我真身嘅人撞見~真係黑女！我已經猛閃~但始終俾佢認到~但好彩佢無黎同我打招呼~但佢竟然響電話度話我知，佢已經不聼特登響我身邊玩路過or企響我附近~但我就係無見到佢！大佬~本小姐影相同拍野時，係好專心架~！除咗薹上發生時，其它我係唔會察覺到架!
No comments:
Post a Comment